Menu
GOVPH

Philippine Standard Time:

frequently ask questions

AICS

Ang Assistance to Individuals in Crisis Situation (AICS) ay isang programa ng Department of Social Welfare and Development (DSWD) na naglalayong magbigay ng tulong pinansyal, materyal, at psychosocial sa mga indibidwal at pamilyang dumaranas ng krisis o hindi inaasahang pangyayari sa kanilang buhay.

Layunin nitong maghatid ng agarang suporta bilang bahagi ng social safety net ng pamahalaan, upang mapagaan ang epekto ng mga suliraning dulot ng kahirapan, sakuna, pagkakasakit, o pagkawala ng kabuhayan. Kabilang din sa programa ang pagtugon sa iba pang inisyatibo ng pamahalaan upang mapababa ang antas ng kahirapan at maisulong ang mas maayos na kalidad ng pamumuhay para sa bawat Pilipino.

Ang AICS Program ay inilaan para sa mga indibidwal at pamilyang kasalukuyang dumaranas ng krisis, sakuna, o matinding kahirapan. Layunin nitong magbigay ng agarang tulong pinansyal sa mga nangangailangan, partikular sa mga sumusunod na sitwasyon:

  • Bayarin sa ospital o laboratoryo
  • Dialysis at pagbili ng mga kinakailangang gamot o implant
  • Tulong para sa pagpapalibing ng namatay na miyembro ng pamilya
  • Tulong sa transportasyon para sa “pag-uwi” o  pabalik sa probinsya

Ang mga ganitong uri ng tulong ay bahagi ng pagkalinga ng pamahalaan sa mga mamamayang nasa mahirap na kalagayan, upang mapagaan ang kanilang pinansyal na pasanin at muling makabangon mula sa dinaranas na krisis

Upang makakuha ng tulong mula sa AICS program, maaaring magtungo sa pinakamalapit na DSWD Field Office sa inyong lugar o rehiyon. Bukod dito, may mga nakatalagang Social Welfare and Development (SWAD) Offoces at Satellite Offices sa bawat rehiyon upang mas mailapit sa mga tao ang mga serbisyo ng programa.

Para sa kumpletong listahan ng mga opisina, pati na rin ang mga tamang impormasyon at gabay sa pag-aapply, bisitahin lamang ang aming official website at Facebook page:

🔗 Website: www.dswd.gov.ph
 📘 Facebook: facebook.com/dswdserves

Sa pamamagitan ng mga opisyal na channel na ito, makakasiguro kang ikaw ay makakakuha ng wastong impormasyon at gabay para sa iyong mga pangangailangan.

Ang mga Kliyente o Benepisyaryo ay maaring lumapit ng tulong mula sa programa ng AICS base sa kanilang pangangailangan tulad ng mga sumusunod:

Medical Assistance

Particulars

Frequency

Medicines

Maaaring lumapit isang beses kada tatlong (3) buwan.

Laboratory Procedures/ Pang Laboratoryo

Other special treatment gaya ng Chemotherapy Treatment/Therapy, Dialysis, implant, at pre-operation procedures

Hospital bill

Isang beses kada confinement sa Ospital

Burial Assistance

  • Isang beses sa bawat isang miyembro ng  namayapa na pamilya o kamag-anakan

Transportation Assistance

  • Isang beses lamang upang makabalik sa probinsya at duon na tuluyan muling manirahan; o
  • base sa sitwasyon na kinakailangan ng kliyente o benepisyaryo ukol sa kanyang pag uwi ng probinsya tulad ng mga ss:
  1. Pagdalo sa burol/libing ng namatay na miyembro ng pamilya;
  2. Pagpapagamot sa ospital o pag-alaga sa miyembro ng pamilya na may sakit;
  3. Pagrescue sa kapamilya na biktima ng Human Trafficking o illegal recruitment o disaster.

Cash Relief Assistance

  • Isang beses, base sa agarang tulong na kinakailangan ng benepisyaryo.

Material Assistance

  • Isang beses, base sa agarang tulong na kinakailangan ng benepisyaryo.

Ang matatanggap ng benepisyaryo ay batay sa pangangailangan ng kliyente at sa assessment at rekomendasyon ng Social Worker ng Ahensya.

Ito ay ang mga Sumusunod:

  1. Financial Assistance

               1.1. Medical Assistance

               1.2. Funeral Assistance

               1.3. Food Assistance

               1.4. Cash Relief Assistance

               1.5. Transportation Assistance

2. Material Assistance

3. Psychosocial Support; at

4. Referral Services

Ang halaga ng tulong pinansyal ay nag-iiba batay sa partikular na pangangailangan at assessment ng DSWD  social worker

Ang mga dokumentong kailangang isumite ay nakadepende sa uri ng tulong na inilalapit. Maaaring isumite ang alinman sa mga ito:


PARA SA MEDICAL ASSISTANCE

  1. Ang Valid Identification Card (ID) ng kliyente na magpoproseso ng assistance. Siguraduhin lamang na ito ay hindi expired, may larawan, tama ang spelling ng buong pangalan, at may Lagda.
  2. Alinman sa mga sumusunod:
  • Medical Certificate o Clinical Abstract
  • Discharge Summary
  • Certificate of Confinement
  • Alagang Tagubilin Form
  • Referral Letter from Malasakit Center
  1. Narito ang mga KARAGDAGANG dokumento na maaaring ipasa, depende sa tulong na kailangan:
    1. PARA SA HOSPITAL BILL
      1. Temporary / Final Hospital bill or Statement of Account; 
      2. Certificate of Balance o Promissory Note (kung may balanse pa sa hospital)

  1. PARA SA ASSISTIVE DEVICES, ORTHOPEDIC IMPLANT, MGA GAMOT AT IBA PANG PARTIKULAR NA GAMUTAN
  1. Reseta ng Gamot o Treatment Protocol; o
  2. Price Quotation ng assistive devices, implant  o gamot; o
  3. Reseta ng implant
  1. PARA SA  LABORATORY PROCEDURES
    1. Laboratory Request o Doctor’s Order; 
    2. Official Price Quotation


  1. PARA SA THERAPY AND OTHER SPECIAL TREATMENT
    1. Treatment protocol; or
    2. PhilHealth certification; or
    3. Doctor’s Prescription; or
    4. Doctor’s order; or
    5. Quotation; or
    6. Psychiatrist or psychologist certification

PARA SA FUNERAL ASSISTANCE

  1. Ang Valid Identification Card (ID) ng kliyente na magpoproseso ng assistance. Siguraduhin lamang na ito ay hindi expired, may larawan, tama ang spelling ng buong pangalan, at may Lagda.
  1. Death Certificate o Sertipikasyon mula sa alinman sa mga sumusunod:
  • Ospital o Doctor
  • Imam (para sa mga Moro)
  • Tribal Chieftain o pinuno ng mga samahang Katutubo (para sa mga Indigenous People)
  1. Alinman sa mga sumusunod: 
  1. Funeral Contract o Kontrata mula sa punerarya (maliban sa mga Moro o mga grupo ng katutubo na nagsasagawa ng mga nakaugaliang gawain sa paglilibing); o
  2. Statement of account; o
  3. Sertipikasyon mula sa barangay na ang pamilya ay gumawa ng kabaong at may utang na kailangan bayaran para sa materiales at ibang gastusin sa pagpapalibing o burol.
  4. Transfer at Quarantine Permit (maliban sa mga Moro o mga grupo ng ng katutubo na nagsasagawa ng mga nakaugaliang gawain sa paglilibing) kung ang namatay ay ililipat sa probinsya.
  5. Promissory Note o Certificate of Balance (kung may balanse pa sa punerarya)

PARA SA TRANSPORTATION ASSISTANCE

  1. Ang Valid Identification Card (ID) ng kliyente na magpoproseso ng assistance. Siguraduhin lamang na ito ay hindi expired, may larawan, tama ang spelling ng buong pangalan, at may Lagda.
  1. Alinman sa mga sumusunod, depende sa insidenteng idinulog:
  • Police Blotter/Certification (para sa mga biktima ng scam o pagnanakaw, illegal recruitment, etc.); o
  • Death Certificate na maaaring walang civil registry number o Certification o katunayan mula sa aliman sa mga sumusunod:
  • Ospital o Doctor
  • Imam (para sa mga Moro)
  • Tribal Chieftain o pinuno ng mga samahang
  • Katutubo (Indigenous People)
  • Medical Certificate na FIT TO TRAVEL (para sa indibidwal na mayroong kondisyong medikal); o
  • Court Order Subpoena/Referral mula sa iba pang ahensya, barangay o LSWDO.

PARA SA  FOOD ASSISTANCE

  1. Ang Valid Identification Card (ID) ng kliyente na magpoproseso ng assistance. Siguraduhin lamang na ito ay hindi expired, may larawan, tama ang spelling ng buong pangalan, at may Lagda.
  1. Anumang sertipikasyon, o dokumentasyon mula sa LSWDO na nagpapatunay na ang benepisyaryo ay nasa sitwasyon ng krisis, may pangangailangan sa pagkain, o kabilang sa mga apektado ng idineklarang Food Security Emergency.

PARA SA  CASH RELIEF ASSISTANCE

  1. Ang Valid Identification Card (ID) ng kliyente na magpoproseso ng assistance. Siguraduhin lamang na ito ay hindi expired, may larawan, tama ang spelling ng buong pangalan, at may Lagda.

 

  1. Anumang sa mga sumusunod, ayon sa naaangkop                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               
  • Ulat ng Pulisya (Police Report) na inisyu ng PNP o Blotter mula sa Barangay;
  • Ulat o Sertipikasyon ng (Report or Certification) BFP para sa mga biktima ng sunog;
  • Pasaporte/Travel Document / Sertipikasyon mula sa OWWA, POLO, o Department of Migrant Workers, o anumang patunay ng repatriation ng OF (Overseas Filipino);
  • Sertipikasyon para sa mga biktima ng nti-Online Sexual Abuse or Exploitation of Children (OSAEC) and Anti-Child Sexual Abuse or Exploitation Materials (CSAEM) na inisyu ng LSWDO;
  • Referral letter o endorsement (halimbawa: mula sa DOJ, NGO, LGU, o iba pang kaugnay na ahensya);
  • Deklarasyon ng State of Calamity mula sa Pambansang Pamahalaan o LGU, kung naaangkop;
  • Rekomendasyon mula sa Disaster Response Management Group (DRMG/DRMD/DRMS) para sa Augmentation Support mula sa AICS;
  • Incident report mula sa LGU;
  • Spot report mula sa AFP o PNP;
  • Sertipiko ng Kamatayan mula sa ospital o city/municipal health office, na may o walang registry number;
  • Sertipikasyon mula sa LDRRMO (Local Disaster Risk Reduction and Management Office);
  • DSWD Disaster Profiling Tool;
  • Disaster Assistance Family Access Card (DAFAC) at/o Family Access Card in Emergencies and Disasters (FACED);
  • Joint AFP-PNP Intelligence Committee (JAPIC) Certificate;
  • Medico-Legal Certification.

Paalala:

  • Ang mga dokumentong isusumite  ay dapat na orihinal o may tatak na certified true copy.
  • Ang Social Case Study Report mula sa City o Municipal Social Welfare (C/LSWDO) o Medical Social Service (MSS) sa ospital o mga Rehistradong Social Worker ay kinakailangan kung ang assistance o halaga ng kailangang tulong ay 10,000 pesos pataas.

Mahalagang magkaroon ng ganitong klaseng o tulong gaya ng AICS (Assistance to Individuals in Crisis Situation) dahil ito ay nagbibigay ng agarang tulong sa isang individual na dumaranas ng matinding pangangailangan, lalo na sa panahon ng krisis tulad ng:

  1. Kalamidad o Sakuna – Kapag may bagyo, sunog, lindol, o iba pang sakuna, ang AICS ay nagbibigay ng agarang tulong-pinansyal o materyal tulad ng pagkain, upang matulungan ang mga apektado.
  2. Medikal na Pangangailangan – Para sa mga indibidwal na biglaang nagkasakit o kailangang ipagamot ngunit may kakulangan sa pinansyal na kakayahan, ang AICS ay nagsisilbing malaking tulong upang agarang maipagamot ang mga nangangailangan.
  3. Pagkamatay ng Ka-pamilya – Ang AICS ay nagbibigay ng tulong-pinansyal para sa pagpapalibing bilang suporta sa mga naulila, upang matulungan silang mairaos nang maayos at may dignidad ang pagpapalibing ng kanilang yumaong mahal sa buhay.

Sa kabuuan, ang AICS ay mahalaga dahil ito ay isang konkretong paraan ng pamahalaan upang masigurong hindi napapabayaan ang mga mamamayan sa oras ng kagipitan. Isa rin itong simbolo ng malasakit at pagkakaisa, kung saan ang estado ay aktibong tumutulong sa mga nangangailangan.

Para makakuha ng kopya ng mga requirements, bisitahin ang AICS microsite (link): https://aics.dswd.gov.ph/ 

Para sa karagdagang impormasyon o mga katanungan, maaaring makipag-ugnayan sa pamamagitan ng telepono, email, o sa pagbisita sa pinakamalapit na tanggapan:

  1. DSWD Offices sa inyong lugar o rehiyon. 
  2. Social Welfare and Development (SWAD) na opisina 
  3. Satellite Offices na nakatalaga sa bawat rehiyon upang mas mapadali ang pagtugon sa mga katanungan at iba pang impormasyon ukol sa programa.

Para sa listahan ng numero ng telepono at email addresses tignan ang link na https://www.dswd.gov.ph -Directory.

Kung mayroong mga feedback or reklamo, maaaring isumite ito sa pamamagitan ng opisyal na mga komunikasyon ng DSWD, kabilang ang mga hotline, email, at opisyal na social media account. Lubos na pinahahalagahan ng DSWD ang inyong mga puna at patuloy itong nagsusumikap na mapabuti ang kalidad ng mga serbisyong ibinibigay sa publiko

AKAP

Ang Ayuda para sa Kapos ang Kita Program (AKAP) ay isang inisyatibo ng Department of Social Welfare and Development (DSWD) na itinatag sa ilalim ng Joint Memorandum Circular No. 01, series of 2025. Layunin nitong magbigay ng tulong pinansyal sa mga manggagawa o empleyado na may kita na mababa sa minimum wage o hindi sapat para tugunan ang kanilang mga pangunahing pangangailangan, lalo na sa harap ng inflation o pagtaas ng presyo ng mga bilihin.

Ang AKAP ay nakalaan para sa mga indibidwal na manggagawa o empleyado mula sa formal o informal na sektor na may kita na hindi pantay o mas mababa sa itinakdang minimum wage rate.

Ang minimum wage na tinutukoy ay ayon sa itinakda ng Regional Tripartite Wages and Productivity Board (RTWPB) sa ilalim ng National Wages and Productivity Commission (NWPC) at Department of Labor and Employment (DOLE).

Upang maging kwalipikado sa AKAP, kailangang matugunan ng isang indibidwal ang mga sumusunod na pamantayan:

  1. Ikaw ay kabilang sa mga may mababang kita, partikular na:
    • Isang manggagawa mula sa formal o informal na sektor.
    • Kumakamit ng sahod na hindi pantay o mas mababa sa itinakdang minimum wage na itinakda ng Regional Tripartite Wages and Productivity Board (RTWPB) sa ilalim ng NWPC at DOLE.

Naapektuhan ang iyong kabuhayan ng implasyon (inflation) o pagtaas ng presyo ng mga pangunahing bilihin at serbisyo, na nagdulot ng hirap sa pagtugon sa pang-araw-araw na pangangailangan.

  1. Anumang Government Issued Valid ID  sa unang beses na pagkuha ng Assistance.  Ang National ID ay mahigpit na ipatutupad bilang valid ID na dapat ipresenta ng kliyente sa pangalawang pagkakataon na sya ay hihingi ng tulong pinansyal.
  1. Alinman sa mga sumusunod na dokumento na nagpapatunay ng estado ng benepisyaryo bilang indibidwal nakabilang sa may mababang antas ang kita at hindi hihigit sa itinakdang minimum na sahod or Below Minimum wage earner  na inilabas sa loob ng tatlong (3) buwan bilang karagdagang suportang dokumento, kung naaangkop:
  1. Contract of Employment duly signed by the parties; or
  2. Certificate of Employment with Compensation (COE) indicating the name and signature of any issuing officer; or
  3. Anumang dokumento na nagpapakita na ang kinikita ng indibidwal ay hindi lumalampas sa itinakdang minimum na sahod sa kanilang rehiyon ayons sa RTWPB:
  • Certification mula sa direct employer, na may tala ng haba ng serbisyo ng pagtatrabaho, kanilang buwanang kita, buong pangalan ay lagda ng empleyado, sertipikado ng barangay or Local Social Welfare and Development Office (LSWDO) Authorized officials/ any Registered Social Worker; or
  • Certification mula sa presidente/pinuno ng asosasyon o kanilang awtorisadong kinatawan; o
  • Permit/sertipikasyon para sa Maliit na Negosyo na inisyu ng kapitan ng barangay o ng kanilang awtorisadong kinatawan; or
  • Social Case Summary or Social Case Study Reportna inisyu ng LSWDO / sinumang Rehistradong Social Worker na nagpapatunay na, batay sa home visitation o balidasyon, ang kita ng indibidwal ay mas mababa sa naaangkop na minimum wage rate na itinakda ng RTWPB; o
  • Affidavit of Self-Generated Income upang ideklara at patunayan ang kita ng isang indibidwal, lalo na sa mga kaso kung saan walang pormal na trabaho o payslip; o
  • Sertipiko ng Patunay (Certificate of Attestation) na angkop sa mga sumusunod na sitwasyon:
    • Para sa Onsite implementation, ang form ay pupunnan at pipirmahan ng DSWD Social Worker na nag sagawa ng assessment at aprobado ng  designated authority.
    • Para sa  offsite implementation na may malaking bilang ng mga  qualified individuals, ang attestation ay maaaring magmula sa  Barangay/LSWDO authorized officer or sinumang registered Social Worker and sertipikado ng client.
  1. Ang mga kinakailangang dokumento para sa bawat uri ng tulong ay ang sumusunod:

    Mga Uri ng Tulong

    Mga Kinakailangang Dokumento

    Rice Assistance

    1. Balidong dokumento ng pagkakakilanlan; at
    2. Anumang sumusuportang dokumento na nabanggit sa itaas na makapagpapatunay na ang kita ng indibidwal ay mas mababa sa naaangkop na minimum wage rate na itinakda ng RTWPB.

    Funeral Assistance

    1. Balidong dokumento ng pagkakakilanlan; at
    2. Anumang sumusuportang dokumento na nabanggit sa itaas na makapagpapatunay na ang indibidwal ay may kita na mas mababa sa naaangkop na minimum wage rate na itinakda ng RTWPB.

    Medical Assistance

     

     

     

     

     

    Kung pambayad sa hospital bill

     

     

     

     

    Kung para sa gamot/ assistive devices

     

     

     

     

    Kung para sa prosesong medikal

     

     

     

     

    Kung para sa therapy at iba pang espesyal na paggamot

    1. Balidong dokumento ng pagkakakilanlan;
    2. Anumang sumusuportang dokumento na nabanggit sa itaas na makapagpapatunay na ang indibidwal ay may kita na mas mababa sa naaangkop na minimum wage rate na itinakda ng RTWPB; at
    3. Anuman sa mga sumusunod:
    • Medical Certificate o Abstract na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan); o
    • Discharge summary na may petsa ng pagkakaloob, kumpletong pangalan, pirma at numero ng lisensya ng dumadalong doktor (inisyu sa loob ng huling 3 buwan); o
    • Certificate of confinement na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan); o
    • Alagang Pinoy Tagubilin Form na may diagnosis, petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan); o
    • Referral Letter mula sa Malasakit Center na inisyu ng nararapat na itinalagang DSWD social worker o Medical Social Worker.
    1. Depende sa layunin ng tulong medikal, ang kliyente ay magsumite ng anuman sa mga sumusunod na kinakailangan, bilang karagdagan sa mga pangunahing kinakailangan sa itaas:
    • Temporary/Final Hospital Bill o Statement of Account (Outstanding Balance) na may kumpletong pangalan at pirma ng billing clerk; o
    • Certificate of Balance o Promissory Note kung ang pasyente ay nakalabas na sa ospital.

    or 

    • Reseta na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan); o
    • Treatment protocol na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan).

    or

    • Laboratory request na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan); o
    • Laboratory Protocol na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan); o
    • Doktor’s order na may petsa ng pagkakaloob, kumpletong pangalan, pirma, at numero ng lisensya ng dumadalong doktor (mas mainam na balido ng 3 buwan).

    or

    • Treatment protocol na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan); o
    • PhilHealth certification na naubos na ang kanilang coverage; o
    • Reseta na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan); o
    • Doktor’s order na may petsa ng pagkakaloob, kumpletong pangalan, pirma, at numero ng lisensya ng dumadalong doktor (mas mainam na balido ng 3 buwan); o
    • Quotation na may buong pangalan at pirma ng sinumang nagbigay ng quotation; o
    • Psychiatrist o psychologist certification na may petsa ng pagkakaloob, kumpletong pangalan, pirma, at numero ng lisensya ng dumadalong doktor (inisyu sa loob ng huling 3 buwan).

    Funeral Assistance

    1. Balidong dokumento ng pagkakakilanlan; at
    2. Anumang sumusuportang dokumento na nabanggit sa itaas na makapagpapatunay na ang indibidwal ay may kita na mas mababa sa naaangkop na minimum wage rate na itinakda ng RTWPB; at
    3. Anuman sa mga sumusunod:
    • Death Certificate; o
    • Sertipikasyon mula sa Ospital/Doktor/awtorisadong medical practitioner/Imam (para sa Moro) at Tribal Chieftain para sa IPs;
    1. Anuman sa mga sumusunod, kung naaangkop:
    • Funeral Contract (maliban sa mga Moro at IPs na nagsasagawa ng nakaugaliang gawain); o
    • Statement of Account; o
    • Sertipikasyon mula sa Barangay na ang pamilya ang gumawa ng kabaong ngunit may utang sa mga materyales at iba pang gastos;
    • Transfer Permit kung ang tulong para sa paglilipat ng bangkay ay hiwalay na hinihiling o kasama ng iba pang bagay sa ilalim ng tulong sa libing.

    4. Kinakailangan ang Certificate of Balance o Promissory Note kung mayroon pang hindi nababayarang gastos sa libing.

    Para sa mga gastusin sa libing at mga kaugnay nito dahil sa kalamidad, sakuna, at/o kritikal na pangyayari o katulad na sitwasyon na nagresulta sa isa o maraming namatay sa loob ng pamilya, maaaring payagan ang nakaligtas na miyembro ng pamilya o ang pinakamalapit na kamag-anak ng namatay na humiling ng direktang tulong pinansyal (outright cash assistance) depende sa pagtatasa ng DSWD Social Worker, nang hindi na nangangailangan ng SCSR.

    Cash Assistance

    1. Balidong dokumento ng pagkakakilanlan; at
    2. Anumang sumusuportang dokumento na nabanggit sa itaas na makapagpapatunay na ang indibidwal ay may kita na mas mababa sa naaangkop na minimum wage rate na itinakda ng RTWPB; o
    3. Anumang iba pang dokumento na magpapakita na apektado ng implasyon ang kliyente, tulad ng katotohanan ng pagkatanggal sa trabaho (layoff) o pagkawala ng trabaho (displacement from work) sa oras ng aplikasyon para sa tulong.

Ang halaga ng tulong pinansyal ay nag-iiba-iba depende sa partikular na pangangailangan at kasalukuyang kalagayan ng aplikante.

Ang bawat aplikasyon ay sinusuri ng isang rehistradong social worker ng DSWD, na siyang:

  • Gumagawa ng masusing pagtatasa (assessment) sa kalagayan ng aplikante;
  • Tumutukoy sa nararapat na halaga ng tulong na maaaring ibigay;
  • Sumusunod sa mga itinakdang patnubay sa ilalim ng Joint Memorandum Circular (JMC) 2025-01.

Ang layunin ng prosesong ito ay matiyak na ang tulong ay makatarungan, makatuwiran, at naaayon sa tunay na pangangailangan ng benepisyaryo.

Ang isang individual ay maaaring makatanggap ng pera o Guarantee Letter (Medikal at funeral) base sa assessment at  rekomendasyon ng DSWD Social Worker.

Ang matatanggap ng isang cliyente ay naaayon sa pangangailangan nito na batay sa assessment at rekomendasyon ng social worker ng DSWD.  

Ang mga sumusunod ay ang iba’t-ibang kategorya ng tulong o assistance na maaaring matanggap ng kliyente. 

  1. Rice Assistance (sa pamamagitan ng LGUs)
  2. Food Assistance
  3. Medical Assistance
  4. Funeral Assistance
  5. Cash Relief Assistance

Ang DSWD ay makikipag ugnayan din upang maging katuwang ang mga Lokal na Pamahalaan para sa implementasyon ng AKAP sa pamamagitan ng isang Memorandum of Agreement (MOA). Ang tulong o assistance na maaaring ilapit sa kanilang lokal na pamahalaan  mula sa AKAP ay ang:

✅ Rice Assistance

Ang isang kwalipikadong indibidual na nakakuha na ng Rice assistance ay maaaring makatangap ng Cash Relief Assistance, Medical and Funeral Assistance depende sa pangangailangang tulong at assessment ng DSWD Social Worker ngunit hindi maaring makatanggap ng Food assistance kung pasok sa loob ng tatlong buwan

Ang dalas ng paghingi ng tulong ay alinsunod sa panuntunan ng programa para sa mga sumusunod:

Type

Particulars

Frequency of Availment

Rice Assistance

Food Subsidy for individuals/ families

Once every three months the rice assistance may be provided on top of any assistance provided.

Medical Assistance

Hospital bill

Once every admission/ discharge 

Medicines, Laboratory Procedures, Other special treatment

Once every three months

Funeral Assistance

Funeral Expenses, Transfer of Cadaver, Casualties during disaster/ calamity

General Rule: Per client or per incident of death 

Note: One client may avail and process one or two services at the same time (i.e., funeral and transfer of cadaver), subject to the recommendation of DRMB at the Central Office or their counterparts at the FOs

Food Assistance

Food subsidy for individuals/ families

General Rule: Once every three months

Exemption/s: Patients – once every admission

Cash Relief Assistance

Other needs

Once for every applicable incident.

Ang kwalipikadong indibidwal ay maaaring magtungo sa pinakamalapit na DSWD Regional Office, Social Welfare and Development (SWAD) Office, o DSWD Satellite Office sa inyong lugar o rehiyon.

Ang AKAP Program ay may apat na hakbang sa proseso ng paghingi ng tulong:

Step 1: Queuing
 Ang kliyenteng may kumpletong dokumento ay kailangang ipakita ang isang valid ID upang makatanggap ng queuing number.

Step 2: Interview and Assessment
 Ang kliyente ay iinterbyuhin ng social worker, susuriin ang mga dalang dokumento base sa uri ng tulong na hinihingi, at magbibigay ng rekomendasyon kung ito ay nararapat.

Step 3: Releasing
 Kapag naaprubahan ang assistance, ito ay ibibigay o i-rerelease sa kliyente.

Siguraduhing dala ang lahat ng kinakailangang dokumento upang mapabilis ang proseso.

Mahalagang magkaroon ng Ayuda sa Kapos ang Kita Program (AKAP) dahil ito ay tumutugon sa mga pangunahing pangangailangan ng mga pamilyang may mababang kita na hindi sapat para tugunan ang kanilang mga pangunahing pangangailangan tulad ng pagkain, gamot, edukasyon, at iba pa. 

Sa patuloy na pagtaas ng presyo ng bilihin, ang ayuda ay nagsisilbing pansamantalang lunas upang mapanatili ang kakayahan ng mga kapos ang kita na mabuhay nang may dignidad.

Para sa karagdagang impormasyon o mga katanungan, maaaring makipag-ugnayan sa pamamagitan ng telepono, email, o sa pagbisita sa pinakamalapit na tanggapan:

  1. DSWD Offices sa inyong lugar o rehiyon. 
  2. Social Welfare and Development (SWAD) na opisina 
  3. Satellite Offices na nakatalaga sa bawat rehiyon upang mas mapadali ang pagtugon sa mga katanungan at iba pang impormasyon ukol sa programa.

Para sa listahan ng mga numero ng telepono at email address, bisitahin ang link na ito: https://www.dswd.gov.ph. Maaari ring tumawag sa mga numerong 8962-2813 o 8951-743. Maaari din kayong magpadala ng mensahe sa aming Facebook page: @dswdserves.

Kung mayroong mga feedback or reklamo, maaaring isumite ito sa pamamagitan ng opisyal na mga komunikasyon ng DSWD, kabilang ang mga hotline, email, at opisyal na social media account. Lubos na pinahahalagahan ng DSWD ang inyong mga puna at patuloy itong nagsusumikap na mapabuti ang kalidad ng mga serbisyong ibinibigay sa publiko.

Crisis Intervention Unit Building, DSWD Compound, Constitution Hills, Batasan Complex, Quezon City, PH 1126

KNOW MORE

QUICK LINKS

CONTACT US

inquiry@dswd.gov.ph
ciu@dswd.gov.ph

8962-2813/8951-7433

Monday – Friday (except holidays)
8:00 am – 5:00 pm

Facebook Twitter Youtube